Pavitramaina Prema Song Lyrics | పవిత్రమైన ప్రేమ Song Lyrics | Telugu Christian Songs Lyrics

పల్లవి:
పవిత్రమైన ప్రేమ మరణంతో ముగిసిపోదు
ఆటంకాలెదురైనా వెనుతిరిగి చూసుకోదు
నువ్వు ఎంతగా నిందిస్తున్నా నిన్నే వీడిపోదు
నువ్వు నిర్లక్ష్యం చేస్తున్నా నిన్నే ఎడబాయదు
"పవిత్రమైన ప్రేమ "
అ.ప:
నీకోసం బ్రతికేసింది, నీకోసం మరణించింది.
సరిహద్దులే చెరిపేసింది, పరముకు నిన్ను చేరుస్తూ ఉన్నది..
ఆ ప్రేమే నిన్ను కన్నది, ఆ ప్రేమే రక్తమిచ్చి నిన్ను కొన్నది 2
ఆ ప్రేమే నిన్ను కన్నది, అనునిత్యం నిన్ను కాస్తూ ఉన్నది
చరణం: 1
ప్రేమ పిచ్చిదేమో పిచ్చిదేమో యేసుప్రేమ
ఇల్లును వదిలి, పల్లెనా తిరిగింది ఆ ప్రేమ.
తల్లిని విడిచి, పగవారి ప్రేమకై ఎదురుచూసింది ఆ ప్రేమ
ఆకలి మరచి ఆ భాగ్యలకై అలమటించిందా ప్రేమ
ఉమ్మి వేసినా ఈడ్చివేసినా విడిచి పెట్టలేదు ప్రేమ
ఊరి చివరనే చేతులు చాచి నీకై నిలిచిందా ప్రేమ
"ఆ ప్రేమే నిను"
చరణం: 2
ప్రేమ గుడ్డిదేమో గుడ్డిదేమో యేసు ప్రేమ
పాపులతోనే పాపుల మధ్యలో తిరిగింది ఆ ప్రేమ
వ్యభిచారిని సహితం చంపొద్దు అంటూ క్షమించిందా ప్రేమ
వెన్నుపోటులే ఎన్ని పొడిచిన మిన్నకుండింది ప్రేమ
ప్రాణ ఆత్మలే ధారపోసింది రిక్తునిగా మారింది ప్రేమ
సిలువ వేసినా చీల్చివేసినా మౌనం దాల్చింది ప్రేమ
"ఆప్రేమే నిను"
"పవిత్రమైన ప్రేమ "
***********************************************
Vocals: Krishna Kumar
Tune & Lyrics: Krishna Kumar