Arachethilone Song Lyrics | అరచేతిలోనే Song Lyrics | Telugu Christian Songs Lyrics

పల్లవి:
అరచేతిలోనే చెక్కబడినా ఓ శిల్పమా..
ఈ సృష్టిలోనే ప్రధమఫలమా..
ఊహలకు అందని అపురూప నిర్మాణమా..
ఆ దేవదేవుని స్వరూపమా..
ఈ నేలమంటితో..నిర్మించినాడుగా..తన ఊపిరే నీకిచ్చాడుగా..
తన రూపమందునా..సృజియించినాడుగా..నీ కోసమే ఎదురు చూసాడుగా..
ఆ దేవుని సంకల్పమే నువ్ గుర్తించావా..?
బ్రతుకిచ్చిన ఆ దేవునే నువ్ వదిలేస్తావా..?
యోచించుమా..ఓ నేస్తమా..పని ఉందని మరువకుమా..*||2||*
చరణం 1:
గర్భమున రూపించి..దేహన్ని నిర్మించి..
సమయాన్ని నీకిచ్చి..పనియిచ్చెను..
దినములను లెక్కించి..గ్రంధములో లిఖియించి..
సత్క్రియలు జరిగింప..నియమించెను..*||2||*
పాపమే ఘోరమై..ఆశకే చేరువై..
సత్యమే భారమై..దైవమే దూరమై..
ఊపిరే వదిలితే గతి ఏమిటో..నీ..బ్రతుకునే దిద్దుకో..జీవాన్ని పొందుకో..
||అరచేతిలోనే||
చరణం 2:
చీకటికి చోటిచ్చి..దుష్క్రియలు జరిగించి..
లోకాన్ని స్నేహించి..ప్రభుమార్గమిడిచావు..
ప్రభు నిన్ను ప్రేమించి..రక్తాన్ని చిందించి..
క్రయధనముగా మారి..విడిపించెను..*||2||*
ప్రార్థనే ఊపిరై..వాక్యమే జీవమై..
రక్షణే ధ్యేయమై..ప్రేమయే ప్రాణమై..
వెలుగుము జ్యోతిగా..వెలిగించు లోకాన్నే..
క్రీస్తుకే సాక్షిగా..సాగించు జీవనం..
||అరచేతిలోనే||
**************************************************
Lyrics : Manem Prasanthi
Singer : Shruthika Samudarala